Aldın xabar bergenimizdey búgin Berdaq atındaǵı Qaraqalpaq mámleketlik universitetiniń qayta ońlawdan shıǵarılǵan zamanagóy tiptegi studentler asxanasınıń ashılıw máresimi bolıp ótti. Onda nuraniy ustazlar professor-oqıtıwshılar, student-jaslar qatnastı. Ilajdı, Qaraqalpaq mámleketlik universiteti rektorı A.Reymov saltanatlı túrde ashıp berip, bársheni jańa asxananıń ashılıwı, qalaberse Qaraqalpaq mámleketlik universiteti Aziyanıń «TOP-1000» universitetleri qatarınan orın alǵanı menen qızǵın qutlıqlap, bul jetiskenliklerge úles qosqan bárshe insanlarǵa óz minnetdarshılıǵın bildirdi.

Bunnan soń, universitetimizdiń nuraniylar keńesi baslıǵı Fizika-matematika ilimleriniń kandidatı, professor B.Abdikamalov sózge shıǵıp, búgingi kúnde universitetimizde sezileri dárejede ózgerisler ámelge asırılıp atırılǵanlıǵı, student-jaslarımız ushın oqıp bilim alıwı ushın keń múmkinshilikler jaratılǵanlıǵı, sonday-aq jańa asxananıń ashılıwı menen bársheni qızǵın qutlıqladı. Sonıń menen birge, ilaj qatnasıwshıları zamanagóy tiptegi studentler asxanasın kózden ótkerip, bul jerdegi jaratılǵan qolaylıqlar menen tanıstı. Ilajda bir qatar Qaraqalpaq estrada juldızları hám universitetimizdiń belsendi student-jaslarınıń atqarıwındaǵı koncert baǵdarlaması jıynalǵanlardıń názerine usınıldı.

QMU baspasóz xızmeti