Házirgi waqıtta universitetimiz studentleri óz qániygelikleri boyınsha mekteplerde ámeliyat ótep kelmekte. Olar ámeliyatta ustazlarınan pedagogikalıq kónlikpeler alıwı menen birgelikte mektep oqıwshıları arasında ádebiy kesheler ótkeriwde de belsendilik kórsetpekte. Nókis qalası XBB ne qaraslı 22-sanlı ulıwma bilim beriw mektebinde ámeliyat ótep atırǵan QMU qazaq tili hám ádebiyatı qániygeligi studentleriniń shólkemlestiriwi menen folklorist, jámiyetlik ǵayratker, tilshi-alım, qazaq ádebiyatı izertlewshisi Axmet Baytursinovtıń 150 jıllıq yubileyine baylanıslı “Ultın ulıǵlagın ullı tulǵa” atamasında ádebiy keshe bolıp ótti.

Ádebiy kesheni Nókis qalalıq Xalıq bilimlendiriw bólimi metodisti Aytmuratova Dilaram ashıp berdi. Bunnan soń qazaq tili hám ádebiyatı kafedrasi úlken oqıtıwshısı Sharipova Janar, 22-sanlı bilim beriw mektebi qazaq tili hám ádebiyatı oqıtıwshısı Bajimova Urqiya sózge shıǵıp qazaq shayırı A. Baytursinov miynetlerine toqtalıp ótti. Shayırdıń ómir jolı hám miynetleri haqqında 4-kurs studentleri Joldanova Janat “A. Baytursinov-terminolog alım”, Orınbayeva Balnura “A. Baytursınov-folkorist, awdarmashı hám izertlewshi alim” atlı bayanatların oqıp berdi. Ádebiy keshe mektep oqıwshılarınıń shayır qosıqların oqıp beriwi hám shıǵarmalarınan ádebiy kórinisler alıp shıǵıwı menen dawam etti.
Keshe juwmaǵında belsene qatnasqan mektep oqıwshılarına “Húrmet jarlıǵı” hám bahalı sawǵalar tapsırıldı.