Berdaq atındaǵı Qaraqalpaq mámleketlik universiteti mádeniyat sarayında «Mánawiyat hám milletaralıq keńpeyillik» atamasında ilaj ótkerildi. Ilajda Din isleri boyınsha komitetiniń Qaraqalpaqstan Respublikası aymaqlıq basqarmasınıń qánigeleri B.Ayımbetova hám X.Nızamatov, Qaraqalpaqstan Respublikası Qazıyatınıń qazı járdemshisi T.Dosımbetova, Qazaq mádeniy orayı belsendisi R.Kenjebaeva, Turkmen mádeniy orayı wakili Sh.Yazova, QMU Jaslar máseleleri hám ruwxıy-aǵartıwshılıq isleri boyınsha prorektorı S.Alauatdinov hám universitetimizdiń hayal-qızlar máseleleri boyınsha rektor másláhátshisi I.Seytnazarovalar qatnastı.
Ilajda universitetimizdiń Jaslar máseleleri hám ruwxıy-aǵartıwshılıq isleri boyınsha prorektorı S.Alauatdinov sózge shıǵıp, Búgingi kúnde mámleketimizde 130 dan artıq millet wákillleri bir shańaraq prezentlerindey bolıp, teń huquqlı hám óz-ara awızbirshilikte jasap kiyatırǵanlıǵı, olardıń huqıq hám erkinlikleri, nızamlı máplerin támiyinlew, bilim alıwı, kásip-óner úyreniwi, mádentiyatların, úrip-ádet dástúrlerin saqlaw hám rawajlandırıw ushın mámleketimiz tárepinen barlıq shárayatlar jaratılıp berilgenligi, sonday-aq, Húrmetli Prezidentimizdiń baslaması menen qabıl etilgen 2017-2021-jıllarda Ózbekstan Respublikasın rawajlantırıwdıń bes tiykarǵı baǵdarı yaǵnıy Háreketler strategiyasında mámleketimizde milletlerara tatıwlıqtı támiyinlew máselesine de óz aldına itibar qaratılǵanlıǵın aytıp ótti. Ilajda hár túrli millet wákilleriniń saxnalıq shıǵıwları, qosıq hám ayaq oyınları atqarıldı. Bunnan soń, ilaj Qaraqalpaq mámleketlik universiteti «Xurliman» xalıq ansambili, shet tilleri, ózbek filologiyası hám kórkem óner fakultetleri student-jaslarınıń tayarlaǵan koncert baǵdarlaması menen dawam etti.
QMU baspasóz xızmeti
