Berdaq atındaǵı Qaraqalpaq mámleketlik universitetiniń Biologiya fakultetinde Aral boyı aymaqlarında shor topıraqqa hám suwsızlıqqa shıdamlı gúnji tuqımların jetislitiriwdiń agrotexnologiyasın islep shıǵıw hám birlemshi tuqımdı jetilistiriw temasında seminar bolıp ótti. Onda fakultetiń professor-oqıtıwshıları, student-jaslar bir qatar miymanlar qatnastı. Dáslep universitetimizdiń Ilimiy isler hám innovaciyalar boyınsha prorektorı I.Turdımambetov sózge shıǵıp, seminardıń maqseti hám wazıypası onnan kútilip atırǵan nátiyjeler haqqında aytıp ótti.

Bunnan soń, Biologiya fakulteti “Ekologiya hám topıraqtanıw” kafedrası professorı B.Mambetnazarov sózge shıǵıp, keying jıllarda fermer xojalıqlarında gúnjini qosımsha egin sıpatında egilip atırılǵanlıǵı, sonday-aq, gúnji egilgen maydanlarda onıń suwsızlıqqa shıdamlılıǵı, mineral tóginlerdi beriw muǵdarı, zıyankeslerge qarsı ilajlar hám taǵı basqa agrotexnikalıq jumıslar izertlenbegenligi sebepli zúráátligi, sapası boyınsha tiyislı nátiyje alınbay atırǵanlıǵın mısallar menen keltirip ótti. Seminarda qatnasıwshılar joybar boyınsha ózleriniń qızıqtırǵan sorawlarına juwaplar aldı.