Usı jıldıń 15-noyabr sánesinde Yuridika fakulteti tálim baǵdarları hám toparları arasında «Quwnaqlar hám ziyrekler» tańlawı bolıp ótti. Tańlawǵa tórt komanda qatnasıp, fakultet kubogi ushın óz-ara  bellesti.

QMU mádeniyat sarayında bolıp ótken tańlawǵa 1-basqısh yurisprudenciya tálim baǵdarınıń 101, 102, 103-topar studentlerinen ibarat «18-» , «Basa-bas» komandaları hám milliy ideya, ruwxıylıq tiykarları hám huqıq tálimi baǵdarı sonday-aq, yurisprudenciya tálim baǵdarı 2-3 basqısh studentlerinen quralǵan «KTB» (kem támiyinlengen baylar) hám «Unamasa qarama» komandaları jámi úsh shártten ibarat (sálemnama, biatlon hám studentler turmısın sáwlelendiriwshi erkin tema)bolǵan tańlawda tayarlaǵan saxnalıq kórinisleri menen tamashagóylerge kewilli keypiyat inám etti.

Tańlaw jeńimpazı quwnaqlıq hám ziyreklik boyınsha fakultet chempionlıǵın 103-topar studentlerinen ibarat «Basa-bas» komandası 1-orındı iyelep diplom hám sawǵalar menen sıylıqlandı.

Sonday-aq, jıl dawamında ilimiy iskerlik, oqıw, sport hám jámiyetlik jumıslarda belsendilik kórsetip kelgen eliwden aslam studentlerge hám miyman bolıp kelgen olardıń ata-analarına fakultet dekanı F.Qutlımuratovtıń alǵısnamaları tapsırıldı.