Berdaq atındaǵı Qaraqalpaq mámleketlik universitetinde student jaslar arasında Watanǵa súyispenshilikti, psixologiyalıq hámde huqıqıy sawatxanlıqtı úgit-násiyatlawshı isshi toparı tárepinen 2022-jıldıń 21-noyabr kúni Qaraqalpaq filologiyası hám jurnalistika fakultetinde «Jaslardıń aktiv poziciyasın asırıw» atamasında seminar-trening ótkerildi. Ilajǵa Insan huqıqları kafedrası oqıtıwshısı T.Qallibekov, Milliy ideya kafedrası oqıtıwshısı N.Seydabullaeva, Pedpsixologiya kafedrası oqıtıwshısı A.Tóremuratova hám fakultet belsendi student-jasları menen topar tyutorları qatnastı.

Seminar-treningti ótkeriwden maqset studentlerdi erkin pikirley alıw, maqsetlerin anıq aydın aytıwǵa, oylaw qábiletlerin rawajlandırıwǵa sonıń menen birge jaslardıń huqıqıy sawatxanlıǵın asırıw, psixologiyalıq jaqtan jaslardıń pikirleriniń anıqlıǵı eń baslısı jaslardı Watanǵa degen súyispenshiligin arttırıw menen birge elimizdiń rawajlanıwında ózleriniń salmaqlı úleslerin qosıwǵa qaratıldı. Seminar-trening barısında ilaj qatnasıwshıları tárepinen psixologiyalıq soraw-juwaplar, shınıǵıw oyınları ámelge asırıldı, ilaj student jaslarda qızıǵıwshılıq oyatıp ózleriniń qızıqtırǵan sorawlarına tiyisli qánigelerden juwaplar aldı.

Jaslar menen islesiw boyınsha dekan orınbasarı Z.Jumanov