Milliy ideya, ruwxıylıq tiykarları hám huqıq tálimi kafedrası oqıtıwshısı T.Abdullaev, Pedagogika-psixologiya kaferdasınan Z.Turımbetova, Jınayıy huqıqıy hám puxaralıq huqıqıy pánler kafedrası assistenti S.Utebaevlar bashılıǵında ótkerilgen oqıw seminarı dawamında student-jaslar arasında Watansúyiwshilikti, psixologiyalıq, ideologiyalıq hámde huqıqıy sawatlılıqtı anıqlawǵa qaratılǵan sorawlar orın aldı.

Seminar dawamında:

-student-jaslarda ideologiyalıq profilaktika trening sorawlarına belgilengen múddetlerde studentlerdiń(hátte qosıq qatarlarınan úzindiler keltirildi) juwapları tıńlandı;

-Jaslardıń huqıqıy sawatqanlıǵın asırıwǵa baylanıslı «Rebus» oyını ótkerildi. Bunda jasırılǵan sózler hám súwretler arqalı yuridikalıq terminler dúzilip oǵan qısqasha anıqlama aytıldı;

-Emociyanı basqarıw hám rawajlandırıwǵa qaratılǵan shınıǵıwlar ótkerildi. Óz ornında emociyanallıq jaǵdaylardıń kelip shıǵıwı hám hádden tısqarı ózgeriwi aqıbetinde júzege keliwi múmkin bolǵan unamsız jaǵdaylardıń aldın alıwǵa baǵdarlanǵan psixologiyalıq maǵlıwmatlar berildi.

 G.Qazaqbaeva.