Berdaq atındaǵı Qaraqalpaq mámleketlik universiteti rektorı A.Reymov tárepinen barlıq fakultetlerde, kafedralarda ámelge asırılıp atırılǵan jumıslar, jetiskenlikler, sonıń menen bir qatarda, jol qoyılǵan qáte-kemshiliklerdi óz waqtında saplastırıw boyınsha professor-oqıtıwshılar menen ushırasıw kestesi tastıyıqlanǵan edi. Usı tiykarda búgin 22-noyabr kúni Ekonomika fakulteti professor-oqıtıwshıları menen ushırasıw ótkerildi.
Onda universitet rektorı A.Reymov, barlıq prorektorlar fakultet dekanı, dekan orınbasarları, kafedra baslıqları hám professor-oqıtıwshıları qatnastı. Dáslep, universitet rektorı A.Reymov sózge shıǵıp, universitetimizdegi sońǵı jılları ámelge asırılıp atırılǵan jumıslar, jetiskenlikler menen mashqalalar hám keleshektegi joybarlar haqqında aytıp ótti. Bunnan soń, Ekonomiyka fakulteti dekanı T.Jiemuratovtıń fakultette 2021/2022-jıllarda ámelge asırılǵan oqıw processi, ilimiy hám innovaciya isleri, xalıq aralıq birge islesiwler, jaslar menen islesiw, ruwxıy-aǵartıwshılıq jumısları hám aldaǵı (2026-jılǵa shekemgi) perspektivalıq jumıslar haqqında bayanatı tıńlandı.
Ilaj dawamında universitet rektorı A.Reymov fakultette bilimlendiriw procesinde shet el qánigeleri menen birge islesiwler, professor-oqıtıwshılarınıń qánigeligin jetilistiriwi, sonday-aq 2021/2022-jıllarda jaqlaǵan ilim doktorları (DSc, RhD) haqqında toqtalıp, bul boyınsha anıqlanǵan qáte-kemshiliklerdi qatań sınǵa aldı, olardı saplastırıw boyınsha usınısların bildirip, fakultettiń professor-oqıtıwshılarınıń pikir usınısların tıńladı.
QMU baspasóz xızmeti
