Usı jıldıń  19-20-noyabr kúnleri Tashkent qalasında jaslar arasında qılıshlasıw sportı boyınsha jáhán kubogi bolıp ótti.  Eki kún dawam etken qızǵın jarıslardan soń, sablyashı qızlarımız komandalıq esapta finalda qarsılaslarınan ústem kelip, altın medallardı qolǵa kirgizdi. Saylandı komanda quramında Qaraqalpaqstannan sablyashılar Gúlistan Perdebaeva menen Nargiza Jaqsıbaevanıń bar ekenligin atap kórsetpekshimiz.

Sablya boyınsha sheshiwshi jarıslarda rumıniyalı qızlardan 35:45 esabında ústem kelgen jerleslerimiz finalda Túrkiyalı qızlar menen ushırastı hám 39:45 esabında Altın medallardı utıp aldı. Jeńisti támiyinlewde talantlı jas sportshı, universitetimiz dene tárbiyası hám sport fakultetiniń 1-kurs studenti Gúlistan Perdebaeva óz sheberligin kórsetip, ǵayrat saldı.

Jaqında ǵana 5-6 noyabr kúnleri qońsılas Qazaqstannıń Almatı qalasında finalda Túrkiya komandası menen ushırasıwda Ózbekstan sablyashı qızlar komandası 28:45 esabında jeńilip, Jáhán kuboginiń gúmis medalı menen shekleniwine tuwra kelgen edi. Usı jarısta zapasta otırıwǵa májbúr bolıp, oyın kórsete almaǵan sablyashı  náwbettegi múmkinshilikti qoldan jibermedi.

Jeńimpazımızdı gezektegi tabısı menen shın júrekten qutlıqlaymız!