Qaraqalpaq filologiyası hám jurnalistika fakultetinde fakultet dekanı Q.Turdıbaev hám hayal-qızlar máseleleri boyınsha dekan másláhátshisi A.Qazaqbaevalar basshılıǵında fakultetimizdiń ónerli student qızları hám kórkem-óner fakultetiniń talantlı, ónerli studentleri menen birgelikte ushırasıw hám pikir alısıw keshesi bolıp ótti.

Keshede fakultet dekanı ónerli tstudent qızlar hám olardıń qol ónerleri menen jaqınnan tanısıp, olardıń aldaǵı jumıslarında tabıslar tiledi. Bunnan soń hayal-qızlar máseleleri boyınsha dekan másláhátshisi A.Qazaqbaeva ónerli student qızlar menen birgelikte seminar-trening ótkerdi. Seminar-treningte fakultettegi belsendi, ziyrek student qızlar hám miymanǵa kelgen milliy kiyimler boyınsha isbilermen qız Joldasbaeva Ilmijahan, milliy taǵınshaqlar boyınsha Gulzada Qudaybergenova, súwretlew óneri boyınsha Joldasov Janbolatlar ham basqa da ónerli studentler menen tanısıw, pikir almasıw hám soraw – juwaplar bolıp ótti. Kórgizbe kópshilik student jaslar názerinde jaqsı tásirler qaldırdı.