Hayal-qızlar arasında basım hám zorlıqtıń aldın alıw maqsetinde Berdaq atındaǵı Qaraqalpaq mámleketlik universiteti Kórkem-óner fakulteti baslaması menen student qızları arasında  «Biz basım hám zorlıqqa qarsımız» atamasında akciya shólkemlestirildi.

Akciya sheńberinde student qızlar arasında «Biz basım hám zorlıqqa qarsımız» súreni astında suwretlew tańlawı ótkerildi. Tańlawǵa student qızlar óz ideyası menen sızılǵan  súwretleri menen qatnastı. Sonday-aq, Kórkem-óner fakulteti studentleri tárepinen teatrlastırılǵan koncert baǵdarlaması shólkemlestirildi.

Ilaj qatnasıwshıları student qızlar tárepinen shólkemlestirilgen súwretler hám qol óneri buyımları kórgizbesin qızıǵıwshılıq penen tamashaladı.  Ilajǵa QMU Hayal-qızlar máseleleri boyınsha rektor másláhátshisi I.Seytnazarova, Qaraqalpaqstan Respublikası hayal-qızlardı reabilitaciya qılıw hám beyimlestiriw orayı direktorı S.Niyazova hám psixolog R.Amanbaeva, bárshe fakultetlerdiń hayal-qızlar máseleleri boyınsha dekan masláhátshileri hám student-jaslar qatnastı.  Sonday-aq, ilaj dawamında tańlaw jeńimpazları Diplom hám bahalı sawǵalar menen sıylıqlandı.

Kórkem-óner fakulteti hayal-qızlar másláhátshisi:  N.Rametullaeva