1992-jıl 14-oktyabr kúni Birlesken Milletler Shólkemi Bas Assambleyasında 3-dekabr – Xalıqaralıq nágiranlar kúni dep járiyalanǵan. Bul sáne pútkil dúnya boylap keń túrde belgilenip hám  mayıplıǵı bolǵan insanlar hár tárepleme qollap-quwatlanadı.

Usı tiykarda Dene mádeniyatı fakulteti tyutorları G.Qaniyazova, N.Aytniyazovalar, sonday-aq, bir topar student-jaslar tárepinen Nókis qalalıq xalıq bilimlendiriw bólimine qaraslı 27-sanlı ulıwma bilim beriw mektebinde “Hesh kim mehir hám itibardan shette qalmaydı” atamasında qayırqomlıq ilajı ámelge asırıldı.

Tyutorlar hám studentler mekteptegi 1,3 hám 2,3-klass Korrekcion (nágiran oqıwshılar ushın arnawlı) klass oqıwshıları menen ushırasıp, olarǵa mektep jasındaǵı hár túrli oyınshıq sawǵaları hám de konditer ónimleri bolǵan azıq-awqatlıq zatların tapsırdı. Sonday-aq, ilaj sońında mektep jámááti tyutorlar hám student-jaslarǵa óz minnetdarshılıqların bildirdi.

R.Óteniyazov

Dene mádeniyatı fakultetiniń

jaslar menen islesiw boyınsha dekan orınbasarı