2022-jıldıń 2-dekabr sánesinde Bilogiya fakultetinde óz jumısın alıp barıp atırģan OTUS studentler ornitologiyalıq klubı aǵzaları qatnasıwında náwbettegi seminar bolıp ótti. Búgingi seminarda “OTUS” studentler ornitologiyalıq klubına jańadan aģza bolģan talabalarģa Qaraqalpaqstan aymaǵında ushrasatuǵın quslar haqqında maǵlıwmatlar berildi. Bunda olardıń túrleri, qay jerlerde kóp ushırasıwı, olardıń migratsiyası haqqında aytıp ótildi. “OTUS” klubı baslıǵı Phd Islambek Arepbaev “OTUS” klubı aǵzalarına Qaraqalpaqstanda tarqalǵan, az ushrasatuǵın hám Ózbekistan Respublikası qızıl kitabına kirgen quslar haqqında kóplegen maǵlıwmatlar berip, olardı videorolik hám prezentatsiya arqalı túsindirip, kórsetip ótti.
Seminar barısında “OTUS” toparı aǵzaları Biologiya fakulteti muzeyinde boldı. Bul jerde Qaraqalpaqstanda ushırasatuǵın quslar kórsetildi, klub baslıģı Phd Islambek Arepbaev quslardıń túrlerin anıqlawda qollanılatuģın bir neshe usıllardı talabalarga túsindirdi hám bul belgiler túrlerdi anıqlawda áhmiyetli ekenligin aytıp ótti.
OTUS» studentler ornitologiyalıq
klubı lideri Tursınbaev Izetulla
