Ózbekstan Respublikası Prezidentiniń 2022-jıl 7-mart kúngi “Shańaraq hám hayal-qızlardı qollap-quwatlawǵa qaratılǵan jumıslardı jáne de jedellestiriw is-ilajları haqqında»ǵı PP87-sanlı Pármanında belgilengen wazıypalardıń orınlanıwın támiyinlew  sonday-aq, usı Pármannıń mazmun- mánisin student jaslar arasında úgit-násiyatlaw, túsindiriw hám fakultetlerdegi hayal-qızlar máseleleri boyınsha  dekan másláhátshileriniń iskerligin úyreniw, student qızlardıń tálim-tárbiyası, kiyiniw hám sóylesiw mádeniyatı, qarım-qatnas ádebi hám olardıń mashqalaların úyreniw maqsetinde isshi topar óz jumısın basladı.

 Universitet rektorınıń hayal-qızlar máseleleri boyınsha másláhátshisi  I.Seytnazarovanıń basshılıǵında dúzilgen Isshi topar quramı Ekonomika hám Qaraqalpaq filologiyası hám jurnalistika fakultetlerinde boldı. Isshi topar tárepinen bul fakultetlerdegi  student qızlar menen toparlarda hám de jeke túrde ushırasıp , sáwbetlesiwler alıp barıldı. Sonday- aq, student qızlardıń tálim-tárbiyası  menen shuǵıllanıwshı hayal- qızlar keńesi hám de olar menen birge islesiwshi  tyutorlardıń da iskerligi, student qızlardıń oqıw processindegi kiyiniw mádeniyatı, sabaqqa qatnası, sabaqtan tómen úlgerip júrgen qızlardıń  hám de shańaraqlı , perzentli qızlardıń mashqalaları menen tanısıp shıqtı. Student qızlar menen pikirlesip, olardıń mashqalalar,  qızıqtıratuǵın máseleleri hám usınısları tıńlandı. Sońınan fakultetet hayal-    qızlar máseleleri  boyınsha dekan másláhátshisiniń  hayal-qızlar menen birge islesiw rejesi boyınsha iskerliktiń jolǵa qoyılıwı úyrenildi.   

QMU Hayal-qızlar keńesi