Qaraqalpaqstan Respublikası rus mádeniy orayı baslaması menen paytaxtımızda jaylasqan joqarı oqıw orınları arasında «Garmoniya» respublikalıq intellektual-oyın festivalı ótkerildi. Bul komandalıq tańlawda Jańa Ózbekstannıń búgingi kúni hám keleshegi bolǵan jaslarımız arasında milletleraralıq tatıwlıq, doslıq, sonday-aq rus tiline, mádeniyatına súyispenshilik sezimlerin keń en jaydırıw maqsetinde shólkemlestirildi.
«Garmoniya» respublikalıq intellektual-oyın konkursına Ájiniyaz atındaǵı Nókis mámleketlik pedagogikalıq institutı, Qaraqalpaqstan medicina institutı, Tashkent xabar texnologiyalar universiteti Nókis filialı sıyaqlı respublikamızdıń jetekshi joqarı oqıw orınları qatarında Berdaq atındaǵı Qaraqalpaq mámleketlik universiteti komandası da belsene qatnastı.
Bes basqıshtan ibarat bolǵan tańlawda tiykarınan «Filologiya: tillerdi oqıtıw (rus tili)» tálim baǵdarınıń studentlerinen quralgan QMU komandası óziniń tayarlaǵan baǵdarlamasın hár tárepleme jarıtıp bere alıwı menen sıylı 1 orındı jeńip alıwǵa miyasar boldı.
