Berdaq atındaǵı Qaraqalpaq mámleketlik universiteti Qurılıs fakultetinde korrupciyanıń aldın alıw, huqıqbuzarlıqtı boldırmaw, jol háreketi qaǵıydalarına ámel etiw hám universitet ishki tártip qaǵıydaların túsindiriw maqsetinde student-jaslar menen ushırasıw bolıp ótti.
Ushırasıwda QR IIM JQX JHQB bólimi inspektorları Yu.Matyakupova hám T.Utepbergenov, universitetimizdiń profilaktika inspektorı kapitan I.Erejepov, fakultet dekanı T.Uzaqov, Jaslar menen islesiw boyınsha dekan orınbasarı S.Nurniyazov, tyutorlar hám student jaslar qatnastı.
Ushırasıwda taraw qánigeleri tárepinen jol háreketi qáwipsizligine ámel etiw boyınsha túsinikler berilip, jollarda sergek, dıqqatlı bolıwǵa shaqırdı. Universitetimiz profilaktika inspektorı kapitan I.Erejepov studentlerge jınayatshılıq hám huqıqbuzarlıqtıń aldın alıw, korrupciyaǵa jol qoymaw, pirotexnika buyımlarınan paydalanbaw kerekligin aytıp ótti.
Ilaj dawamında fakultet dekanı T. Uzaqov studentlerge joqarıda aytılǵan tártip-intizam haqqında tuwrı juwmaq shıǵarıwın, social tarmaqlardan tuwrı paydalanıw hám universitet ishki tártip-qaǵıydalarına ámel etiw kerekligin jáne bir márte eskertti.
