Ózbekstan Respublikası Ministrler Kabinetiniń 2022-jıl 8-yanvardaǵı 4-sanlı bayanı tyikarında «Respublika boyınsha sociallıq-ruwxıy ortalıqtı salamatlastırıw, diniy keńpeyillik hám milletleraralıq tatıwlıqtı bekkemlewge qaratılǵan qosımsha is-ilajları jol kartası»ndaǵı wazıypalardı orınlaw maqsetinde Ózbekstan Respublikası Súwretlew aynası dóretiwshilik birlespesi menen birgelikte «Sergeklik dáwir talabı», «Ekstremizm, terrorizm hám missionerlik-jámiyet qáwipi» «Milletler aralıq tatıwlıq hám diniy keńpeyillik» atamasında fotolar kórgizbesi shólkemlestirildi.

Kórgizbede universitetimizdiń jaslar menen islesiw, ruwxıylıq hám aǵartıwshılıq bólimi baslıǵı Q.Beknazarov student-jaslarǵa búgingi kúnde ekstremistler tiykarınan jaslardı hár túrli jollar menen ózleriniń maqsetine erisiw ushın Internet arqalı da tásir jasawǵa háreket etip atırǵanlıǵın túsindirip ótti. Sonlıqtan bunday qara niyetli kúshlerge jawızlıqqa qarsı aǵartıwshılıq penen gúresiw kerekligi haqqında sóz etildi.

Kórgizbeni ótkeriwden tiykarǵı maqset xalqımızdıń, ásirese jaslarmızdı buzǵınshı ideyalarǵa qarsı gúresiw,  elimizdiń tınıshlıǵı, párawanlıǵı ushın oqıp, bilim alıw hám de mámleketimizge pidayı xızmet etiwdi úgit-násiyatlaw bolıp tabıladı.