Berdaq atındaǵı Qaraqalpaq mámleketlik universitetinde jınayatshılıqtıń aldın alıw boyınsha úgit-násiyat ilajı bolıp ótti. Onda Yuridika fakulteti dekanı F.Qutlımuratov, barlıq fakultet dekanları, dekan orınbasarları, professor-oqıtıwshılar hám student-jaslar qatnsatı. Ilajdı universitetimizdıń jaslar máseleleri hám ruwxıy-aǵartıwshılıq isleri boyınsha prorektor S.Alauatdinov ashtı hám basqarıp bardı.

Ol óz sózinde búgingi kúnde universitetimizde jınayatshılıqqa qarsı gúresiwge qaratılǵan jumıslardıń nátiyjeliligin arttırıw  hámde bul baǵdardaǵı  jınayatshılıqtıń aldın alıwda  bir qatar ámeliy  hám úgit-násiyat  ilajları alıp barılıp lekin bul baǵdarda orınldarda elede kemshiliklerge jol qoyılıp atırǵanlıǵın atap ótti. Bunnan soń,  Yuridika fakulteti belsendi student-jasları tárepinen jınayatshılıqtıń aldın alıw boyınsha tayarlanǵan arnawlı video rolik jıynalǵanlardıń názerine usınıldı.

Sonday-aq, ilajda sózge shıqqanlar jınayatshılıqtıń aldın alıw, jámiyetlik orınlarda, sonday-aq, ijarada jasawshı studentler arasında tártip-intazamdı saqlaw, sonıń menen birge,  jol transport hádiyseleri, piyadalar, sonıń ishinde, jaslardıń háreket qáwipsizligin támiyinlew, jınayatshılıq, huqıqbuzarlıq, náshebentlik, tonawshılıq, aldawshılıq, urlıq jınayatlarına qarsı gúresiw máseleleri haqqında aytıp ótti. Ilajda barlıq fakultet dekanlarına qısqı dem alıs waqıtlarında da student-jaslardıń bos waqıtların mazmunlı ótkeriw, onlayn ilajlar shólkemlestiriw, olar menen turaqlı baylanıs ornatıw boyınsha bir qatar tapsırmalar berildi.

QMU baspa sóz xızmeti