Búgin 22-dekabr kúni Qaraqalpaq filologiyası hám jurnalistika fakultetiniń qaraqalpaq ádebiyatı kafedrası baslaması menen Shımbay fakultetiniń hám Qaraqalpaq filologiyası hám jurnalistika fakultetleriniń filologiya hám tillerdi oqıtıw qaraqalpaq filologiyası qánigeliklerinde oqıp atırǵan 1-kurs studentleriniń arasında Jas ádebiyatshı tańlaw ótkerildi.

Tańlawdı f.i.d, professor Q.Orazımbetov ashıp berdi hám bul tańlawdıń mazmun mánisin túsindirip ótti, sońınan f.i.d., professor Q.Jarimbetovta tanlaw qatnasıwshılarına tabıslar tiledi.

Qaraqalpaq ádebiyatı kafedrası baslıǵı A.Dosımbetova tańlawdıń 2 shártten ibarat ekenligin birinshi shártte qaraqalpaq folklorı hám ádebiyattanıwǵa kirispe pánlerinen dúzilgen jazba jumıs sorawlarına juwap jazıw kerekligin soń ekinshi shártte  usı pánlerden dúzilgen test sorawlarına durıs juwaplar belgilew kerekligin tusindirdi. Tańlaw juwmaǵında 1-orın Jumabaeva Manzura Qaraqalpaq filologiyası hám jurnalistika fakulteti 2-orın Sarıbaeva Gulferuz Shımbay fakulteti 3-orın Utepbaeva Muhabbat Shımbay fakulteti hám 3-orın Dilimbetova Biybijamal Qaraqalpaq filogiyası hám jurnalistika fakultetiniń studentleri jeńimpaz boldı. Bul tańlaw eki fakultet arasındaǵı birge islesiw hám jaslardı birlestiriw, doslastırıw tańlawı boldı desek asıra aytqan bolmaymız. Jeńimpazlarǵa diplom hám estelik sawǵaları tapsırıldı.

Dekan orınbasarı Z.Jumanov