Usı jıldıń 22-dekabr kúni Berdaq atındaǵı Qaraqalpaq mámleketlik universiteti Jaslar awqamı tárepinen «SÍYQÍRLÍ SHÍRSHA» atamasındaǵı esabat koncerti bolıp ótti. Ilada universitetimizdiń Oqıw isleri boyınsha prorektorı O.Dúysenbaev, Ilimiy isler hám innovaciyalar boyınsha prorektorı I.Turdımambetov, jaslar menen islesiw, ruwxıylıq hám aǵartıwshılıq bólimi baslıǵı Q.Beknazarov, Jaslar isleri agentliginen hám Artel komponiyasınan wákiller qatnastı.

Bayram keshesinde jıl dawamında ótkerilgen ilajlarda belsendilik kórsetken student-jaslardıń ata-analarına minnetdarshılıq bildirilip, olarǵa «Alǵısnama» lar tapsırıldı. Sonıń menen bir qatarda bayram keshesine imkaniyatı sheklengen kishkene balalarda mirát etildi hám Univolontyor klubı tárepinen jańa jıl sawǵası menen sıylıqlandı.

Bunnan soń,talantlı student-jaslarımız atqarıwındaǵı qosıqlar, «Hurliman» xalıq ansambli jigit-qızlarınan ayaq-oyınlar, hár túrli viktorina oyınlar, universitet quwnaq hám ziyrek student-jaslarınan háziller jıynalǵanlardıń názerine usınıldı.