Aldın xabar bergenimizdey usı jıldıń 26-28-dekabr kúnleri aralıǵında Berdaq atındaǵı Qaraqalpaq mámleketlik universiteti professor-oqıtıwshıları hám texnik xızmetkerleri arasında jańa jıl bayramı múnásibeti menen sporttıń futzal túrinen jarıs ótkerildi.

Jarısqa universitetimizdiń barlıq fakultetlerinen professor-oqıtıwshılar hám texnik xızmetkerler belsene qatnasıp, jarıs juwmaǵında 1-orındı «AXCh» komandası, 2-orındı Yuridika fakulteti komandası, 3-orındı Matematika fakulteti komandaları iyeledi. Jeńimpazlar universitetimizdiń Kásiplik awqamı komiteti tárepinen diplom hám estelik sawǵaları menen sıylıqlandı.

Jarıstı ótkeriwden tiykarǵı maqset universitetimizde islep atırǵan professor-oqıtıwshılar hám texnik xızmetkerler arasında salamat turmıs tárizin engiziw, olardı sporttın futzal túrine qızıqtırıw arqalı miynet ónimdarlıǵın asırıwǵa kómeklesiw bolıp tabıladı.

QMU baspasóz xızmeti