Universitetimizde hár qanday bayram hám belgili sánelerde xızmetkerlerdi saltanatlı túrde qutlıqlap, olarǵa ayırıqsha húrmet kórsetiw turaqlı dástúrge aylanǵan. Búgin, 30-dekabr kúni Berdaq atındaǵı Qaraqalpaq mámleketlik universiteti Mádeniyat sarayında jańa jıl múnásibeti menen ushırasıw keshesi bolıp ótti.
Onda universitetimizdiń, Jaslar máseleleri hám ruwxıy-aǵartıwshılıq isleri boyınsha prorektorı S.Alauatdinov, Oqıw isleri boyınsha prorektorı O.Duysenbaev, Qarjı hám ekanomika isleri boyınsha prorektorı А.Kudaybergenov, Kásiplik awqamı komiteti baslıgı A.Alliyarov hám universitetimizdiń barlıq texnikalıq xızmetkerleri qatnastı.
Dáslep universitetimiz Oqıw isleri boyınsha prorektorı O.Duysenbaev, sózge shıǵıp, universitetimiz rektoratı atınan bárshe xızmetkerlerdi jańa jıl bayramı menen qutlıqladı. Bunnan soń, Jaslar máseleleri hám ruwxıy-aǵartıwshılıq isleri boyınsha prorektorı S.Alauatdinov sonday-aq, Kásiplik awqamı komiteti baslıgı A.Alliyarovlar sózge shıǵıp, jıynalǵanlardı jańa jıl bayramı menen qutlıqlap hám olarǵa bayram sawǵaların tapsırdı.
QMU baspasóz xızmeti
