Búgin Berdaq atındaǵı Qaraqalpaq mámleketlik universitetinde Ózbekstan Respublikası Prezidenti Shavkat Mirziyoevtiń 2022-jıl 20-dekabr kúngi Oliy Majliske hám Ózbekstan xalqına Múrájatı sonday-aq, jańa redakciyadaǵı Miynet kodeksiniń mazmun-mánisi hám áhmiyetin keń jámiyetshilikke túsindiriw boyınsha  professor-oqıtıwshılar, dekan orınbasarları, tyutorlar qatnasında sáwbetlesiw bolıp ótti.

Onda Oliy Majlis Nızamshılıq palatasınıń deputatı M.Ibragimov, professor-oqıtıwshılar hám barlıq fakultet dekan orınbasarları, tyutorlar qatnastı. Ilajdı universitetimizdiń jaslar máseleleri hám ruwxıy-aǵartıwshılıq isleri boyınsha prorektorı S.Alawatdinov alıp bardı. Dáslep, Oliy Majlis Nızamshılıq palatasınıń deputatı M.Ibragimov sózge shıǵıp, Múrájatte keltirilgen máseleler sonıń menen birge bilimlendiriwge qaratılıp atırılǵan itibar, ásirese mektepten ana tili hám shet tillerdi puqta ózlestiriw, perzentlerimizdi kásip-ónerlerge, kórkem óner hám mádeniyatqa qızıqtırıwımız kerek ekenligi haqqında aytıp ótti. Ilaj óz-ara pikir alısıwlar menen dawam etti.