«Ustaz – atańday ullı» – deydi dana xalqımız. Prezidentimiz mudamı ustaz hám pedagoglardı, itibardan shette qaldırmawınıń tiykarında, úlken maqset hám wazıpalar bar ekenligin esletiw, keleshek jaslardıń kámil insan bolıp jetilisiwinde, eń áhmiyetlisi sapalı bilim ekenligin búgingi globallasıw dáwirinde ańǵarıw qıyın emes. Prezidentimiz parlamentke jollawında bilim beriw máselesine ayırıqsha dıqqat awdardı. Sonlıqtan da 2023-jılǵa «Insanǵa itibar hám sapalı bilimlendiriw jılı» dep atama berildi. «Bilim sapasın arttırıw – Jańa Ózbekstannıń rawajlanıwınıń birden-bir durıs jolı!» – dedi mamleket basshısı. Prezidentimizdiń usı baǵdarlamasınıń tiykarında, dúnyadaǵı úshinshi renesansqa degen ullı qádem ekenligin búgingi pedagoglarımız pikirlep biliwi shárt.

«Usı salada baslaǵan reformalarımızdı jalǵastırıp, oqıw orınlarına barıp,  ustazlar hám pedagoglar menen kóbirek aralasıp, olardıń sapanı arttırıwǵa baylanıslı kótergen máselelerin birlesip sheshiwimiz kerek» – degen edi mámleket basshısı parlamentke óz jollawında, usınıń tiykarında jaslarǵa  zamanagóy hám sapalı bilim beriw máselesine ayırıqsha itibar qaratıw kerek ekenligin tapsırma sıpatında tiyisli bilimlendiriwdiń sapasın arttırıw institutlarına júkledi.

«Biz kelesi jılı Mámleketlik baǵdarlamasına xalqımızdıń kótergen barlıq máseleleriniń real sheshimleri menen engiziwimiz kerek» – degen edi óz múrájatında, usıdan-aq belgili Prezidentimiz puqaralar olardıń maqset-máplerin esapqa alıp ádil siyasiy reformaların júrgizip atırǵanlıǵınıń bir deregi.

Bir sóz benen aytqanda mámleketlik basqarıw institutları xalıq ushın ádil hám mápli, nátiyjeli wazıpalardı belgilep alıwın tapsırdı. «Deputatlar menen senatorlardı, rayon wákillerin, ziyalı qáwim wákillerin, jaslardı usı processlerde belsendilik kórsetip, jańa usınıslar menen baslamalar kóteriwin sorayman», – dedi Shavkat Mirziyoev.

QMU fizika kafedrası baslıgı professor M.Tagaev