Prezidentimiz tárepinen xalqımızǵa, Oliy Májlis deputatları hám Senatorlarǵa jollaǵan múrájatında máhálle uyımlarınıń erkinligin jetilistiriwge ayrıqsha itibar qarattı. Múrájatnamada Máhálle óziniń mashqalaların ózi biyǵárez túrde sheshiwi ushın «Máhálle byudjeti» sistemasın engiziwdi usınıs etti. Bul usınıs boyınsha jańa jıldan baslap múlik hám jer salıqlarınıń bir bólegi máhálleniń ózinde qaldırıladı. Máhálle bul qarjılardıń esabınnan sol aymaqtaǵı social – ekonomikalıq mashqalalardı jumsartıwǵa baǵdarlaydı yaǵnıy máhálle sol aymaqtı taza ishimlik suw menen támiyinlewge, elektr energiyasın úzliksizligin ámelge asırıwǵa, jollardıń ráwan bolıwın támiyinlewge, balalar baqshası, mektep sıyaqlı bar bolǵan mashqalalardı sheshiwge jumsaydı.

Bunnan tısqarı aymaqtaǵı kem támiyinlengen shańaraqlarǵa finanslıq jaqtan járdem kórsetiw, jımıssızlardı jumıs penen támiyinlew, sonday – aq sol aymaqtın infradúzilmelerin jaqsılaw jumısların ámelge asıradı. Prezidentimiz tárepinen berilgen bunday usınıslar álbette xalqımızdıń párawan turmısın jaqsılawǵa járdem beredi.    

Ekonomika ilimleriniń kandidatı Q.Ismaylov