“Ilim-fan fidokori” tańlawı bul pán hám tálim jónelisinde ilimiy izertlewler alıp barıp atırǵan studentler, magistrantlar, jas ilimpazlar, professor-oqıtıwshılar izertlewshilerdiń óz qábiletlerin dúnya ilim páni maydanında kórsetiw imkaniyatın berip atırǵan xalıq aralıq ilimiy-ámeliy tańlaw. Tańlaw izleniwsheń hám umtılıwshań ilim-pán wákillerin qollap-quwatlaw olardıń ilimiy izertlewlerin ǵalabalastırıw maqsetinde iskerlik júrgiziwshi ustazlar ushın juwapkershiligi sheklengen jámiyeti tárepinen ótkerip kelinbekte.
Ustazlar ushın juwapkershiligi sheklengen jámiyet Ferǵana wálayatı Rishton tumaninda 2020-jılda jumıs baslaǵan. Bul sıyaqlı xalıq aralıq tańlawlardı shólkemlestiriw arqalı iskerligi dawamında belsendi, bilgir, jańalıqqa umtılıwshı ilim wákilleriniń óz múmkinshilik hám qábiletlerin kórsetiwine xızmet etip atır. Ustazlar ushın juwapkershiligi sheklengen jámiyet usınısı menen Ferǵana poltexnika institutı, Buxara mámleketlik universiteti, Qóqan mámleketlik pedagogika institutı hám de bir qatar shólkemler birgelikte ilim-pán ǵayratkeri tańlawınıń ekinshi máwsimi ótkerildi. Keshe ǵana xalıq aralıq tańlawdıń ekinshi máwsim juwmaǵı boyınsha xoshametlew dástúri bolıp ótti. Bunda respublikamız wálayatlarınan qatnasıp jeńimpaz bolǵan qatnasıwshılar xoshametlendi.
Ǵárezsiz Mámleketler Doslıq Awqamı mámleketleri sheńberinde ótkerilip atırǵan tańlawǵa ilim-pán rawajlanıwı ushın úles qosıp kiyatırǵan hár qıylı taraw wákilleriniń ilimiy maqalaları, dóretiwshilik jumısları qabıl etiledi hám orginal pikr, talap hám shártlerge sáykes ózine tán dóretiwshilikke iye materiallar múnásip sıylıqlandı. Bunda universitetimizdiń Geografiya hám tábiyiy resurslar fakulteti Táiyiy geografiya hám gidrometeorologiya kafedrası docent Sultashova Oralxan óziniń ilimiy maqalaları menen qatnastı hám keńes aǵzaları tárepinen jaqsı bahalanıp sıylıqlandı hám kókirek nıshanı menen xoshametlendi.
Tańlawda jeńimpaz dep tabılǵan ilimiy jumıslar ustazlar ushın juwapkershiligi sheklengen jámiyeti ıqtıyarındaǵı gazeta hám jurnallarda baspa etiledi. Bul bolsa ilimiy jańalıqlardıń xalıq aralıq kóleminde jayılıwına járdem beredi.
Geografiya hám tábiyiy resurslar fakulteti dekanı: N.J.Embergenov
