Húrmetli magistrantlar hám student jaslar! Usı jıldıń 19-yanvar kúni Qaraqalpaq mámleketlik universiteti studentleri hám magistrantları arasında student jaslardıń innovaciyalıq dóretiwshilik qábiletin júzege shıǵarıw, intellektuallıq dárejesin rawajlandırıw, olardı qollap-quwatlaw, izleniwshilik sheberliklerin asırıw maqsetinde «Eń jaqsı innovaciyalıq islenbe» tańlawı ótkeriledi.
Tańlawǵa qatnasıwdı qálewshi talabanlar jeke ózi yaki óz toparı menen birgelikte innovaciyalıq islenbeleri menen qatnasadı.
Tańlaw shártlerine kóre, jeńimpazlar universitettiń “Innovaciyalıq fondı” qárejetleri esabınan tómendegishe tártipte sıylıqlanadı:
– 1-orınǵa 7 (jeti) million swm muǵdarında;
– 2-orınǵa 5 (bes) million swm muǵdarında;
– 3-orınǵa 3 (úsh) million swm muǵdarında.
Sonday-aq, tańlaw jeńimpazlarınıń joybarları Ózbekstan Respublikası Joqarı bilimlendiriw, ilim hám innovaciyalar ministrligi tárepinen ótkeriletuǵın Respublikalıq tańlawlarǵa jiberiledi.
Usı tańlawǵa universitetimizdegi ziyrek, joqarı intellektual qábiletke iye student jaslardı belsendi qatnasıwǵa shaqırıp qalamız.
Tańlawǵa qatnasıwdı qálewshi talabanlar kerekli hújjetlerdi (pasport nusxası, obektivkası, innovaciyalıq islenbesi haqqında prezentaciya, jaratılǵan islenbeniń ѳzi) kaǵaz hám elektron formada Ilimiy innovaciyalıq islenbelerdi kommerciyalastırıw bólimine 17-yanvar kuni saat 17-00 ge shekem (juwapker: Jangabaev Jumabek, tel: 90 653 74 91) tapsırıwları kerek.