Usı jıldıń 20-yanvar kúni Berdaq atındaǵı Qaraqalpaq mámleketlik universiteti «Shet tilleri» fakultetinde  jumıs beriwshiler menen ushırasıwı bolıp ótti. Onda «Rus tili hám ádebiyatı» kafedrası professor-oqıtıwshıları, pitkeriwshi kurs student-jasları hám magistrantlar qatnastı.  Ushırasıwda Qaraqalpaqstan Respublikası xalıq bilimlendiriw ministrligi wákili X.Abdijabbarov respublikadaǵı ulıwma orta bilim beriw mektepleri, sonıń ishinde, alıs aymaqlarda jaylasqan mektepler, olarǵa jumısqa ornalasıw, is haqı tólewdegi abzalıqları, rayonlar kesiminde rus tili hám ádebiyatı oqıtıwshılarınıń vakant orınları haqqında keń turde maǵlıwmat berdi.

Bunnan keyin «Kardar» jeke menshik mektebi direktorınıń oqıw isleri boyınsha orınbasarı Q.Ibragimova mekteptegi oqıw processiniń shólkemlestiriliwi, jaratılǵan sharayatlar, talabanlarǵa qoyılatuǵın talaplar haqqında sóz etti. Is beriwshilerdiń bergen maǵlıwmatları ushırasıw qatnasıwshılarında úlken qızıǵıwshılıq oyattı hám kafedra professor-oqıtıwshıları, studentleri hám magistrleri ózleriniń kóplegen sorawlarına juwaplar aldı.

«Rus tili hám ádebiyatı» kafedrası   baslıǵı:                   

   Karimxodjaev N.Sh.