Aldın xabar bergenimizdey Berdaq atındaǵı Qaraqalpaq mámleketlik universitetinde jańdan oqıw-laboratoriya imaratınıń irge tası qalanǵan edi. Bul oqıw laboratoriya Ózbekstan Respublikası Prezidentiniń 2020-jıl 11-noyabrdegi «2020-2023-jıllarda Qaraqalpaqstan Respublikasın kompleks sociallıq-ekonomikalıq rawajlandırıw is-ilájları haqqında»ǵı PQ-4889-sanlı qararına muwapıq byudjetten tısqarı qarjıları esabınan universitettiń ishki aymaǵınan 1800 orınǵa mólsherlengen oqıw-laboratoriya imaratınıń qurılıs jumısları alıp barılmaqta.

Imarattıń tender bahası 63 635 910 734, 30 sumǵa «QURILISH KOʻCHMA KOLONNA 017» JShJ kárxanası tárepinen qurılıs jumısları alıp barılmaqta. Mine búgin usı qurılıs jumısların kózden ótkeriw maqsetinde universitettiń Qarjı hám ekonomika isleri boyınsha prorektor A.Qudaybergenov, Bas injener J.Seytnazarov, injenerler T.Doshimov hám B.Abdullaev, Birden bir injenering kompaniyasınan biriktilgen texnikalıq qadaǵalawshı B.Tilewimbetov, “KKTamir loyiha” JShJ joybarlaw institutı baslıǵı I.Qosımbetov, Qurılısta qadaǵalaw inspekciyasınan biriktirilgen qánige A.Qaljanovlar birgelikte qurılıs jumıslarınıń barısı menen tanısıp, obyekttiń qurılıs jumısların óz waqtında sapalı etip orınlaw kerek ekenligin aytıp ótti.