Búgin Berdaq atındaǵı Qaraqalpaq mámleketlik universitetinde «Nuranıy hám jaslar» atamasında ushırasıw keshesi bolıp ótti. Onda Ózbekstan Respublikası Ádillik ministrligi Nuranıyler Keńesi aǵzası Ermuxammad Shermatov, Qaraqalpaqstan Respublikası Ádillik ministri birinshi orınbasarı Elmurat Tursınov, Ózbekstan Respublikası Ádillik ministrligi Nuranıyler Keńesi Qaraqalpaqstan Respublikası bólimi baslıǵı Abılqasım Ótewliev hám stustudent-jaslar qatnastı.
Ushırısıw keshesin universitetimizdiń jaslar máseleleri hám ruwxıy-aǵartıwshılıq isleri boyınsha prorektorı S.Alawatdinov basqarıp bardı. Ol óz sózinde Mámleketimizde kekse áwlad wákillerine mámleket tárepinen kórsetilip atırılǵan ǵamxorlıqlar haqqında aytıp, jaslarımızdıń qálbine, sana – sezimine, Ana – Watanǵa muhabbat hám sadıqlıq tuyǵıların sińdiriwde, olardı kámil insan etip tárbiyalaw jolındaǵı pidáyı xızmetlerin aytıp, aldaǵı jumıslarında tabıslar tiledi. Bunnan soń, Ózbekstan Respublikası Ádillik ministrligi Nuranıyler Keńesi aǵzası Ermuxammad Shermatov sózge shıǵıp, ózleriniń ómir jolı hám perzent tárbiyasındaǵı jetiskenlikleri, házirgi dáwir tálim sisteması hám jaslar turmısındaǵı jaqsı sharayatlar, milliy úrp-ádetlerimizdi qádirlew haqqında jıynalǵan jaslarǵa aytıp berdi. Sonday-aq, ushırasıw keshesinde Qaraqalpaq mámleketlik universitetinde oqıp atırǵan sociallıq qorǵawǵa mútáj jaslarǵa Ózbekstan Respublikası Ádillik ministrliginiń Nuranıyler Keńesi tárepinen sawǵalar hám búgingi kúndegi eń áhmiyetli máselelerge arnalǵan kitaplar tapsırılıp, universitetimizdiń studentleri tárepinen tayarlanǵan koncert baǵdarlaması menen dawam etti.
QMU baspasóz xızmeti.
