Búgin universitetimizdiń hayal-qızlar keńesi tárepinen jataqxanadaǵı student qızlar ushın ıssı awqat shólkemlestirilip, olar menen bir dasturxan átirapında sáwbetlesiwler alıp bardı. Onda universitetimiz hayal – qızlar máseleleri boyınsha rektor másláhátshisi I.Seytnazarova hám barlıq fakultet hayal-qızlar máseleleri boyınsha dekan másláhátshileri qatnastı.

Dáslep, universitetimiz hayal – qızlar máseleleri boyınsha rektor másláhátshisi I.Seytnazarova sózge shıǵıp, búgingi kúnde mámleketimiz tárepinen jaslarǵa berilip atırǵan keń múmkinshilikler, ásirese hayal-qızlarǵa qaratılıp atırǵan itibar haqqında aytıp ótti. Bunnan soń barlıq fakultet hayal-qızlar máseleleri boyınsha dekan másláhátshileri student qızlar menen bir dasturxan átirapında sáwbetlesiwler alıp bardı. Sáwbetlesiw barısında mámleketimiz tárepinen joqarı oqıw orınlarında oqıp, bilim alıp atırǵan qızlar ushın jaratılıp atırǵan keń múmkinshilikler, sharayatlar, imkaniyatlar haqqında aytıp, qızlarmızdın óz pikir usınısların tıńladı.

Sonıń menen birge, olardıń bos waqıtların mazmunlı ótkeriw, mámleketimiz tárepinen jaratılıp atırǵan imkaniyatlardan únemli paydalanıw, shet tillerin úyreniw, ádebiy kitaplar oqıp barıw hám hayal-qızlardıń shańaraqtaǵı ornı haqqında ózleriniń paydalı másláhátlerin berdi. Universitettiń jataqxanasında turatuǵın student qızlarmız, hayal-qızlar keńesi tárepinen kórsetilip atırǵan bunday itibar hám ǵamxorlıqtan sheksiz quwanıshta ekenligin aytıp, óz minnetdarshılıqların bildirdi.

QMU baspasóz xızmeti