Ózbekstan Respublikası Prezidentiniń 2021-jılı 31-avgust kúni qabıl etilgen PQ-5241-sanlı “Joqarı orta arnawlı hám professional tálim mákemeleri ortasında tálim procesi hám de tarmaq shólkemleri menen islep shıǵarıw ámeliyatı tıǵız baylanıslılıǵın kúsheytiw ilajları haqqında”ǵı qararına muwapıq, Berdaq atındaǵı Qaraqalpaq mámleketlik universiteti Shet tiller fakulteti «Inglis tili hám ádebiyati» kafedrası professor oqıtıwshıları tárepinen Qońırat sánaat texnikumı ekologiya hám informatciyalıq texnologiya tarawında tálim alıp atırǵan student-jaslar ushın shet tilin úyreniw metodları, usılları hám inglis til kónlikpelerin rawajlandırıw boyınsha ámeliy járdem kórsetiw maqsetınde oqıw ámeliy seminarı ótkerildi.
Seminarda bayanatshılar, A.Utepov hám J.Shamuratovlar, shet tillerin biliw dárejesi, olardıń talapları hám múmkinshiliklerin bahalaytuǵın xalıq aralıq kólemde tán alınǵan sertifikatlar dizimi haqqında qızıqlı maǵlıwmatlardı usınıs etti. Sonday-aq seminar trening dawamında qatnasıwshılar ushın ámeliy shınıǵıwlar hám tapsırmalar berilip, tarqatpa materiallar kompleksi menen támiyinlenip, kishi toparlarda ınteraktiv usılınan paydalanǵan halda ótkerildi.
Sabaq hám seminar trening dawamında soraw – juwaplar, shet tillerdi biliw dárejesin belgileytuǵın milliy hám xalıq aralıq sertifikatlar haqqında maǵlıwmatlar hám motivatsion sáwbetler orın aldı.
