Usı jıldıń 17-fevral sánesinde Berdaq atındaǵı Qaraqalpaq mámleketlik universitetiniń Shet tiller fakulteti Nemis tili hám ádebiyati kafedrasında  “Kafedra kúni” múnásebeti menen ilaj ótkerildi.

Ilajdı Nemis tili hám ádebiyatı kafedrası baslıǵı D. Berdımuratov alıp bardı. Ilaj dawamında kafedranıń professor-oqıtıwshıları hám nemis tilin úyrenip atırǵan student jaslardıń  usı kúnge deyin erisken jetiskenlikleri keń kólemli prezentaciya járdeminde tereń maqtanısh penen sóz etildi. Sonday-aq Ózbekstan Respublikası Prezidenti Shavkat Mirziyoyev basshılıǵında 2021-jıl 19-mayda qabıl etilgen PQ 5117-sanlı “Ózbekstan Respublikasında shet tillerin úyreniwdi en jaydırıw iskerligin sapa jaǵınan jańa basqıshqa alıp shıǵıw ıs-ılajları” haqqındaǵı qararına tiykar respublikamız kóleminde, qalaberdi universitetimizde mánzilli jumıslar alıp barılmaqta. Nemis tiliniń rawajlanıwına sózsiz qollap-quwatlaw kórsetip turǵan Gyote institutı kibi shet el shólkemleri menen birge islesiwdi elede kúsheyttiriw, jaqın keleshekte mámleketlik emes nemis til oqıtıw oraylarınıń respublikamızda da shólkemlestiriliw zárúrligi haqqında qızǵın pikir almasıwlar boldı. Ilaj sońında professor-oqıtıwshılar tárepinen bahalı pikir-usınıslar bildirildi.