Berdaq atındaǵı Qaraqalpaq mámleketlik universiteti Qurılıs fakulteti 4-kurs studentleri fakultet dekanı basshılıǵında Paytaxtımızdaǵı jańadan «Shayx Xalifa Bin Zayed Al Nahayan» qáwenderligi esbınan qurılıp atırǵan “Analar hám balalar gospitalı” imaratınıń qurılısına ekskursiya shólkemlestirildi. Jańadan qurılıp atırǵan imarattıń jańa joybar hámde jańasha zamanagóy qurılıs materiallarınan paydalanılıp atırǵanlıǵı sonday-aq seysmikalıq talaplarǵa ámel etiwde ózgeshe sheshimler qabıllanǵanı menen birgelikte energiya tejemlilikke de ayrıqsha itibar qaratılǵan.
Qurılıp atırǵan 100 orınǵa mólsherlengen analar hám balalar klinikasında qısqı suwıqtan hám jazǵı ıssı temperaturadan qorǵaw maqsetinde imarat tolıǵı menen ıssılıqtı izolyaciyalawshı materiallar menen qaplanǵan. Imarattıń konstrukciyaları, ishki sırtqı montaj, izolyaciya qaplamaları, aralıq bastırma hám tóbe bastırmaları haqqında tolıq maǵlıwmatlar berildi. Úlkemizdegi xalıq-aralıq standartlar talaplarına say qurılıp atırǵan imarattıń arxitekturalıq joybarı, kólemli-planlı sheshimleri studentlerde ayrıqsha qızıǵıwshılıq oyattı.
