Qurılıs fakultetinde «Insanǵa itibar hám sapalı bilimlendiriw» jılı hám 8-mart Xalıqaralıq hayal-qızlar bayramı múnásibeti menen student qızlar arasında «Dáwir qızları» kórik-tanlawınıń fakultet basqıshı bolıp ótti.

Tańlawdıń maqseti student qızlardıń oqıwda hám jámiyetlik jumıslarda belsendiligin arttırıw, olardı shańaraqqa, keleshek turmısqa tárbiyalaw, ózleri tańlaǵan qánigeliklerine súyispenshiligin arttırıw, milliy úrp-ádet dástúrlerimizdi, ádep-ikramlılıq, iybelilik sıyaqlı pazıyletlerdi boyına sińdiriwden ibarat.

Tańlaw tórt shártten ibarat bolıp onda hár bir qánigelikten belsendi student-qızlar óz -ara kúsh sınastı. Tańlaw barısında quwnaq, ziyrek, epshil, sheber hám pazende qızlarımızdıń kórsetken talantların ádil tóreshiler quramı bahalap bardı.

Tańlaw juwmaǵında 1-orındı injenerlik kommunikaciyalar qurılısı hám montajı bakalavr baǵdarı 1-kurs studenti Xudaybergenova Gulay, 2-orındı Imaratlar hám soorujenieler qurılısı bakalavr baǵdarı 1-kurs studenti Askerbaeva Nazira, 3-orındı Qurılıs materialları, buyımları hám konstruciyaların islep shıǵarıw bakalavr baǵdarı 1-kurs studenti Karimbaeva Qırmızı jeńip alıwǵa miyassar boldı. Sonıń menen birge tańlawǵa óz ónerlerin kórsetip belsendi qatnasqanı ushın imaratlar hám soorujenieler qurılısı bakalavr baǵdarı 1-kurs studenleri Bazarbaeva Maxfuza hám Polatova Aynuralar hurmet jarlıǵı hám bahalı sawǵalar menen sıylıqlandı.