Xabarıńız bar usı jıldıń 2-6-mart kúnleri Pakistan mámleketiniń Faysalabad qalasında gandbol boyınsha 2006-jılı tuwılǵan hám onnan kishi jastaǵı (U-18) hám 2004-jılı tuwılǵan hám onnan kishi jastaǵı (U-20) qızlar komandaları arasında ótkerilgen “IHF Trophy – Central Asia Zone III” (IHF Kubogi – Oraylıq Aziya III regionı) jarısında Ózbekstan saylandı komandası sıylı I-orındı iyelegen edi.
Ózbekstan saylandı komandasınıń bul jeńisine Qaraqalpaqstanlı sportshı qızlar da ózleriniń úleslerin qostı. Atap aytqanda, U-20 saylandı komandası quramında oynaǵan Qaraqalpaq mámleketlik universite     ti, Dene mádeniyatı fakulteti 1-kurs studenti Shahlo Abıllaeva da qatnastı.
Usı múnásibet penen 2023-jıl 9-mart kúni Nókis temir jol vokzalında Qaraqalpaqstan Respublikası jaslar siyasatı hám sport ministrligi xızmetkerleri, dene mádeniyatı fakulteti dekanatı hám sportshı qızlardıń ata-anaları tárepinen chempion qızımız múnásip kútip alındı.
Kútip alıwshılar sportshı qızlarımızdı qolǵa kirigizgen jeńisleri menen qutlıqladı hám aldaǵı ótkeriletuǵın jarıslarda tabıslar tiledi.

R.Óteniyazov
Dene mádeniyatı fakultetiniń jaslar menen islesiw boyınsha dekan orınbasarı