2023-jıl  17-mart kúni Berdaq atındaǵı Qaraqalpaq mámleketlik akademiyalıq sazlı teatrında Qaraqalpaqstan Respublikasına xızmet kórsetken ilim ǵayratkeri, birinshi dárejeli miynet pidayısı, awıl xojalıǵı ilimleriniń doktorı, professor, akademik Mambetnazarov Bisenbay Satnazarovichtiń 80 jıllıq yubileyine baǵıshlanǵan «Aralboyı aymaǵında awıl xojalıǵı hám bioekologiyalıq izertlewlerdiń innovatsiyalıq tiykarları» atamasında xalıq aralıq ilimiy-ámeliy konferentsiya bolıp ótti. Konferenciyanıń plenar májilisine Respublikamızdaǵı barlıq Joqarı oqıw orınları professor–oqıtıwshıları, ilim-izertlew institutları alımları,  sonday-aq Qazaqstan, Tajikstan mámleketlerinen kelgen miymanlar qatnastı. Konferenciyada bayanatshılar awıl xojalıǵı hám bioekologiyalıq izertlewler boyınsha alıp barılǵan jumıslar boyınsha  bayanatlar jasadı hám qatnasıwshılar tárepinen berilgen sorawlarǵa juwaplar berildi. Sonday-aq konferenciyada akademik B.S. Mambetnazarovtıń ómir jolı hám ilimiy pedagogikalıq xızmetleri haqqında maǵlıwmatlar aytıp ótildi. Konferenciya qutlıqlawlar ham eske túsiriwler menen qızǵın dawam etti.