Ózbekstan Respublikası Konistituciyasına ózgeris hám qosımshalar kirgiziw boyınsha 30-aprel kúni bolıp ótetuǵın referendum múnásebeti menen Berdaq atındaģı Qaraqalpaq mámleketlik universiteti Sanaat texnologiyası hám Arxitektura fakultetinde «Bul meniń tańlawım – bul meniń Konistituciyam!» atamasındaģı ushrasıw bolıp ótti.

Ushırasıwda Ózbekstan Respublikası Oliy Majlis Nızamshılıq palatası deputatı M.İbragimov, Sanaat texnologiyası fakulteti dekanı R.Qurbanyazov, Arxitektura fakulteti dekanı B.Qıdırbaev, Qaraqalpaq mámleketlik universiteti docenti X.Kabulov, ÓzLiDeP Nókis qalalıq keńesi apparat baslıģı B.Adilchaev, Ózbekstan Respublikası Ádillik ministirliginen I.Rametullaev, fakultet professor-oqıtıwshıları hám student-jaslar qatnastı.

Ushırasıwdı Sanaat texnologiyası fakulteti dekanı R.Qurbanyazov kiris sóz benen ashıp berdi hám alıp bardı. Ushırasıwda tiykarınan Tálim-tárbiya tarawın reformalastırıw, tálim sapasın arttırıw hám insan kapitalın rawajlandırıwdıń huquqıy tiykarların támiynlew hámde oqıtıwshılardıń Konistituciyalıq dárejesin belgilew boyınsha kiritilip atırģan jańalıqlar haqqında sóz etildi.

Ilajda Oliy Majlis Nızamshılıq palatası deputatı M.Ibragimov sózge shıģıp Konistituciyamızdaģı ózgerisler, nızamshılıǵımızdaǵı jańalıqlar, Konistituciyamızǵa kiritilgen Sociyallıq, bilimlendiriw-ilimiy, ekanomikalıq, ekologiyalıq ózgerisler haqqında jıynalǵanlarģa keńnen maǵlıwmatlar berip ótti.

Onnan soń Ádillik Ministrliginen I.Rametullaev Referendum ótkeriliw, shólkemlerstiriliw, kimler qatnasıwı múmkinligi hám qatnasıw tártibi haqqında huquqıy túsinikler berip ótti. Ushırasıw sońında miymanlar qatnasıwshılardı referendumģa belsene qatnasıwģa, hám kóterińki ruxta ótkeriwge shaqırıp qaldı.

Sanaat texnologiyası fakulteti studenti Nargiza Qaljanova