2023-jıl 3-aprel kúni Berdaq atɩndaǵɩ Qaraqalpaq Mámleketlik Universiteti Ekonomika fakultetinde Qazan Federal Universiteti Menejment, ekonomika hám finans institutı direktorı, ekonomika ilimleri doktorı, professor N. G. Bagautdinova menen  fakultet oqıtıwshıları, magistratura hám bakalavriat studentleri arasında  ushırasıw bolıp ótti.  Professor N. G. Bagautdinova universitetimiz rektoratı usınısı tiykarında Nókis qalasına keldi. Ushırasıwda ol Qazan federal universiteti hám KFUnıń Menejment, ekonomika hám finans institutı haqqında, atap aytqanda, rawajlanıw basqıshları, oqıw kompleksi, rawajlanıwdıń joqarɩ baǵdarları, bakalavriat hám magistratura ushın tálim baǵdarları, xalıq aralıq sherikler, jáhán reytingindegi orınlar hám basqalar haqqında tolıq maǵlıwmatlar berdi.

Ushırasıw juwmaǵında Qaraqalpaq Mámleketlik Universiteti Ekonomika fakulteti jámááti bul ámeliyattı jáne de keńeytiw hám Qaraqalpaq Mámleketlik Universitetinde de sonday dástúrlerdi shólkemlestiriwdi qálewin bildirdi. Sol maqsette anıq bağdarlar boyınsha sheriklikti shólkemlestiriw hám tiyisli hújjetlerdi rásmiylestiriw joybarlastırılmaqta.