Prezidentimiz tárepinen alǵa súrilgen bes áhmiyetli baslamanıń hayal-qızlar bántligin támiyinlewge baylanıslı besinshi baslaması Berdaq atındaģı Qaraqalpaq mámleketlik universitetinde shólkemlestirilgen. Bul jerde student qızlarımızdıń sabaqtan bos waqıtlarında alıp barıp atırǵan jumısların kóriw maqsetinde universitet rektorınıń hayal-qızlar máseleleri boyınsha másláhátshisi I.Seytnazarova hám Ximiya-texnologiya fakulteti hayal-qızlar máseleleri boyınsha dekan másláhátshisi R.Kalimbetova hám dekan másláhátshiler jataqxana qızlarınan xabar aldı. «Qızlarjan» klubı janındaǵı milliy kiyim tigiw dógereginde bolıp, dógerekte alıp barılıp atırǵan jumıslar menen tanıstı.
«Qızlarjan» klubı, «Sheber qollar» dógeregi, «SHańaraq másláhát orayı», «Milliy kesteshilik» hám «Qol óneri» dógerekleriniń hár biriniń jumısları menen jaqınnan tanısıtı. Bul jerde qızlardıń dógerek jumıslarınan maqsetli paydalanıwı ushın barlıq qolaylıqlar hám imkaniyatlar jaratılǵanlıǵınıń guwası boldı.
Ata-babalarımızdan miyras bolıp kiyatırǵan milliy qol ónerimizdiń áhmiyeti, milliy naǵıslarımızdıń kelip shıǵıwı, mazmunı haqqında keńnen túsinik berip ótti. Klub janınan shólkemlestirilgen dógerekler qızlarmzdıń oqıwdan bos waqıtların mazmunlı ótkeriwde, olardıń óner úyreniwine túrtki boları sózsiz.
Sabirova Diana
Ximiya-texnologiya fakulteti, 2-kurs studenti
