Usı jıldıń 10-aprel kúni Berdaq atındaǵı Qaraqalpaq mámleketlik universitetinde Hayal-qızlar keńesi tárepinen ótkerilgen tańlaw jeńimpazların sıylıqlaw máresimi bolıp ótti. Ilajda barlıq fakultet dekan másláhátshileri hám student-qızlar qatnastı.

Onda universitetimiz rektorı A.Reymov sózge shıǵıp, óz sózinde Mámleketimizde hayal-qızlardıń sociallıq-siyasiy hám sociallıq belsendiligin arttırıw, olardıń hár qıylı tarawlarda ózleriniń qábilet hám imkaniyatların júzege shıǵarıwı ushın sharayatlar jaratıw, sonday-aq, olardı hár tárepleme qollap-quwatlaw boyınsha alıp barılıp atırǵan ilajlar haqqında aytıp ótti. Sonıń menen birge bárshe tańlaw jeńimpazlardı qolǵa kirgizgen tabısları menen qızǵın qutlıqlap, jeńimpaz komandalarǵa diplom hám estelik sawǵaların tapsırdı.

Bul tańlawlardı ótkeriwden tiykarǵı maqset student qızlardıń oqıwda hám jámiyetlik jumıslarda belsendiligin arttırıw, olardı Ana-Watanǵa sadıqlıq, ruwxında tárbiyalaw, sonday-aq, shańaraqqa, keleshek turmısqa tayarlaw menen birge, ózleri tańlaǵan qánigeliklerine súyispenshilik hám maqtanısh sezimlerin arttırıw, milliy úrip-ádet dástúrlerimizdi, ádep-ikramlılıq, iybelilik sıyaqlı pazıyletlerin jetilistiriw bolıp tabıladı deydi-universitetimiz hayal-qızlar máseleleri boyınsha rektor másláhátshisi I.Seytnazarova.

QMU baspasóz xızmeti