Berdaq atındaǵı Qaraqalpaq mámleketlik universiteti Hayal-qızlar keńesi tárepinen «Milliy¬kiyimler maqtanıshımız» uranı astında «Kempir apam kiygen kiyimler» atamasında kórgizbeli ilaj shólkemlestirildi. Ilajda student qızlar tárepinen ázel-ázelden kempir apalarımız, ájelerimiz, qız-kelinsheklerimiz kiygen, milliy qádiriyatlarımız, miyraslarımız esaplanǵan kiyimler kórgizbesi shólkemlestirildi.

Bul milliy kórgizbege universitet rektorı professor A.Reymov qatnastı hám ol student qızlarımızǵa milliyligimiz, milliy qádiriyatlarımız, ájelerimizden kiyatırǵan milliy miyraslarımızdı, kempir apalarımızdıń kiygen kiyimlerin qásterlep saqlap, eske alıp kórgizbeler islewde belsendilik kórsetip kiyatırǵan universitet Hayal-qızlar keńesine hám student qızlarǵa óz minnetdarshılıǵın bildirdi.

Bunnan soń universitet rektorınıń Hayal-qızlar máseleleri boyınsha másláhátshisi I.Seytnazarova shıǵıp sóylep, bul ilajdıń áhmiyeti haqqında student qızlarǵa hám barlıq ilaj qatnasıwshılarına keńnen túsinik berip ótti. Ilaj sońında bul ilajǵa belsendi qatnasqan student qızlar universitet rektorınıń «Húrmet jarlıǵı» hám sawǵalar menen sıylıqlandı.

QMU Hayal-qızlar keńesi