Usı jıldıń 14-aprel kúni Biologiya fakuleti “Ekologiya hám topıraqtanıw” kafedrası assistenti Aygerim Naǵashıbayeva Qaraqalpaq mámleketlik universitetine biriktirilgen texnikumlar menen birge islesiwdi elede jetilistiriw hám óz-ara tájriybe almasıw maqsetinde Qońırat rayonı sanaat texnikumında bolıp, óziniń «Biosferanıń global pataslanıwı, onıń aqıbetleri hám gúres ilajları»  temasındaǵı sheberlik sabaǵın ótip keldi. Bunda tálimde jańa pedagogikalıq texnologiyalardı paydalanǵan halda oqıwshı jaslardıń tańlaǵan qánigeligi, búgingi kúnde ekologiya tarawında alıp barılıp atırǵan jumıslar haqqında da maǵlıwmatlar berilip, biosferadaǵı mashqalalardı sheshiwde xalıq aralıq birge islesiw hám ekolog qánigelerdiń roline  ayrıqsha toqtalıp ótildi.

Sonday-aq oqıwshı jaslarǵa universitetimizde jaratılǵan sharayatlar haqqında da maǵlıwmatlar berildi. Sabaqqa  1-kurs “Ekologiya hám dógerek ortalıqtı qorǵaw” baǵdarı oqıwshı jasları qatnasıp, ózlerin qızıqtırǵan sorawlarǵa juwaplar aldı.