Aldinda xabar bergenimizdey Tariyx fakultetinde “Akademik S.Kamalov oqıwlıqları” atamasında ilimiy seminar is baslaģan edi. Usı jıldıń 14-aprel kúni Ózbekstan hám Qaraqalpaqstan tariyxı kafedrası tárepinen  kafedranıń náwbettegi “Akademik S.Kamalov oqıwlıqları” atamasında ilimiy seminar bolıp ótti. Ilimiy seminardı Ózbekstan hám Qaraqalpaqstan tariyxı kafedrası baslıģı I.Yelmuratov alıp bardı. Sonday-aq, ilimiy seminarģa Tariyx fakulteti dekanı S.Sulaymanov, nuraniy ustazımız Tariyx ilimleri kandidatı docent A.Ótemisov, kafedra professor-oqıtıwshıları hámde student jaslar qatnastı. Ilimiy seminardıń kún tártibinde 2023-jıldan Ózbekstan hám Qaraqalpaqstan tariyxı kafedrası tayanısh doktorantı Z.Saparovtıń dissertatsiya teması “Qaraqalpaqstan tariyxında tariyxiy tulģalardıń tutqan ornı: xalq batırları,biyler” temasında  ilimiy esabatı tıńlandı hámde ustazlarımız ilimiy tema boyınsha óz pikirlerin aytıp ótti. Sonday-aq ilimiy seminarda kafedra erkin izleniwshisi assistant S.Allamuratovanıń ilimiy esabatı tıńlandı. Ziyrek studentler menen islesiw ilimiy basshı hám ilimiy tema bekitiw kafedra janındaģı dógerek haqqında M.Kaypovanıń maģlıwmatı  hám 2-kurs magistrantlardıń dissertacya qorģaw aldı jumisları tıńlandı.