Usı jıldıń 17-aprel kúni Ekonomika fakultetinde Slovakiya milliy grand dástúri boyınsha seminar ótkerildi. Seminardı universitetimizdiń Xalıq aralıq birge islesiw boyınsha prorektorı docent Timur Nurimbetov hám fakultet dekanı docent Kishibay Kudiyarov alıp bardı.

Seminarda xalıq aralıq shet tilin biliw dárejesin bahalawshı sertifikatı bar bolǵan belsendi jaslar qatnastı hám olarǵa Slovakiyanıń hár jılı shet ellik bakalavriat, magistratura hám PhD basqıshı studentleri, universitet oqıtıwshıları hám izertlewshiler ushın ajıratılatuǵın National Scholarship Programme (Milliy stipendiya programması) haqqında tolıq túsinik berildi. Solar qatarı, grandqa hújjet tapsırıw talapları, hújjetlerdi tayarlaw úlgileri, múddeti hám qarjı máselelerine de tolıq toqtalıp ótildi.

Sonıń menen birge seminarda Work and Travel dástúrleri haqqında da maǵlıwmatlar berildi. Bunday integraciyalıq tájriybe almasıw dástúrleri haqqında kóbirek seminarlar ótkeriw boyınsha studentlerden usınıslar berildi. Seminarda studentler ózlerin qızıqtırǵan barlıq sorawlarına juwaplar aldı.