Qaraqalpaq mámleketlik universiteti 2023-jılda “Bioekologiya” ilimiy izertlew laboratoriyası, “Toqımashılıq ónimleri texnologiyası”, “Qurılıs materialları”, “Ximiya” hám “Ximiyalıq texnologiya” ilimiy laboratoriyaların iske túsiriwdi óz aldına baslı wazıypalardıń biri etip qoyǵan. Bul wazıypalardıń ámelge asırılıwın támiyinlew maqsetinde akkreditaciyadan ótkeriw procesine tayarlaw, alınǵan úskenelerdi isletiw hám olardı sınawǵa tayarlaw (odobrenie, akkreditaciya basqıshı ushın) basqıshı boyınsha 152 saat kóleminde oqıw kursı shólkemlestirilgen bolıp, oqıtıw procesleri “Standartlashtirish va sifatni boshqarish ilmiy maslahat markazi”nan mirát etilgen texnika ilimleri kandidatı, docent Utaev Karim Orazovich tárepinen alıp barılmaqta.
Oqıw kursı 2023-jıldıń 17-aprelinde baslanǵan bolıp, usı jıldıń 6-may kúnine shekem dawam etedi. Oqıw kursına Qurılıs, Ximiya-texnologiya, Biologiya hám Sanaat texnologiyası fakultetlerinen tiyisli laboratoriyalar boyınsha 21 professor-oqıtıwshı qatnaspaqta. Oqıw kursın tabıslı tamamlaǵan professor-oqıtıwshılarǵa akkreditaciyalanǵan laboratoriyalarda isley alıw huqıqın beriwshi mámleketlik úlgidegi sertifikat hám gúwalıqlar beriledi.
