Ózbekstan Respublikası Prezidentiniń 2020-jıl 12-avgusttaǵı «Ximiya hám biologiya baǵdarlarında úzliksiz bilimlendiriwdiń sapasın hám ilim-pán nátiyjeliligin asırıw is-ilajları haqqında»ǵı PQ-4805-sanlı qararı, sonday-aq 2021-jıl 19-marttaǵı «Fizika tarawındaǵı bilimlendiriw sapasın asırıw hám ilimiy-izertlewlerdi rawajlandırıw is-ilajları haqqında»ǵı PQ-5032-sanlı qararınıń orınlanıwın támiyinlew maqsetinde búgin 29-aprel kúni Berdaq atındaǵı Qaraqalpaq mámleketlik universitetinde ulıwma bilim beriw mektepleriniń pitkeriwshi klass oqıwshıları arasında kóp basqıshlı «Ximiya-biologiya» hám «Fizika» pán olimpiadasınıń Qaraqalpaqstan Respublikalıq basqıshı bolıp ótti. Dáslep, Berdaq atındaǵı Qaraqalpaq mámleketlik universiteti rektorı A.Reymov sózge shıǵıp, bárshe rayon(qala)lıq basqıshında jeńimpaz bolǵan olimpiada qatnasıwshıların qızǵın qutlıqlap, keyingi basqıshlarında áwmetler tiledi. Sonday-aq, ol óz sózinde Húrmetli Prezidentimizdiń baslaması menen mámleketimizde jaslarǵa jaratılıp atırǵan keń múmkinshilikler, ásirese bilimlendiriw tarawındaǵı imkaniyatlardı aytıp ótti.
Kóp basqıshlı «Ximiya-biologiya» hám «Fizika» pán olimpiadasınıń rayon(qala)lıq basqıshında jeńimpaz dep tabılǵan jámi 102 oqıwshı Qaraqalpaqstan Respublikalıq basqıshında óz-ara bellesip, óz bilimlerin sınaqtan ótkerdi. Sonıń menen birge jaqsı nátiyjelerge erisken oqıwshılar sertifikatlar menen sıylıqlandı.
