Student-jaslar arasında náshebentlik zatlardıń tarqalıwına qarsı gúresiw, jaslardıń náshebentlikke berilmewin, narkotik zatlarındıń zıyanlı, ayanıshlı hám awır aqıbetleri haqqında túsindiriw, olar arasında salamat turmıs tárizin qáliplestiriw maqsetinde Dene mádeniyatı fakultetinde sporttıń «Stol tennis» túri boyınsha jarıs ótkerildi. Ótkerilgen jarısqa 60 tan aslam student-jaslar qatnastı. Jarıs qızǵın bellesiwlerge bay bolıp, jaslardıń stol tennisine bolǵan qızıǵıwshılıǵı, olardıń sport sheberlikleri sınaldı. Jarısqa tájiriybeli sportshılar, dene mádeniyatı teoriyası hám metodikası professor-oqıtıwshıları A.Qazaqbaev, M.Abdimuratov, tyutor N.Aytniyazovalar tóreshilik etti. Jarıs tóreshiler tárepinen ádil bahalanıp, erler arasında I-orındı 1-kurs student Q.Mambetjanov, II-orındı 2-kurs student S.Keunimjaev, III-orındı 4-kurs student D.Haytbaevlar jeńip alǵan bolsa, al qızlar arasında I-orındı 2-kurs student N.Umirbaeva, II-orındı 1-kurs student G.Kamalova, III-orındı 4-kurs student Sh.Ibragimovalar jeńip alıwǵa miyasar boldı. Jarıs jeńimpazları shólkemlestiriwshiler tárepinen tayarlanǵan estelik sawǵaları menen sıylıqlandı.

R.Óteniyazov
Dene mádeniyatı fakultetiniń
jaslar menen islesiw boyınsha dekan orınbasarı