Búgin Matematika fakulteti Ámeliy matematika hám informatika kafedrasınıń professor oqıtıwshıları, doktorantları, magistrantları hám student jasları qatnasında Ózbekistan Milliy universitetiniń professorı Mersaid Mirsidikovich Aripov penen ushırasıw bolıp ótti. Ushırasıwda professor búgingi kúnde ámeliy matematika hám informatikanıń, kompyuter ilimleriniń rawajlanıp atırǵan tarawları, informaciyalıq texnologiyalardıń házirgi kúndegi jetiskenlikleri, matematikalıq modellestiriwdiń sızıqlı emes máseleleri haqqında keń túsinik berdi. Sonday-aq sızıqlı emes máselelerdi programmalastırıw tarawındaǵı alıp barılıp atırǵan ilimiy izertlewlerdegi áhmiyetli mashqalalar hám olardıń sheshimleri haqqında aytıp ótti.

Sonıń menen birge, Tashkent temir jolları injenerlik instituti professorı Abdulaziz Artıqbaev óziniń tarawın matematikalıq máseleler menen túsindirip berdi. Ushırasıw dawamında jas professor oqıtıwshılar hám student-jaslar professorlarǵa ózleriniń qızıqtırǵan sorawların berdi hám ushırasıw júdá qızıqlı bolıp ótti.

Ámeliy matematika hám informatika kafedrası baslıǵı D.Utebaev