Ximiya-texnologiya fakulteti student-jasları oqıw barısında alǵan teoriyalıq bilimlerdi elede bekkemlew maqsetinde onı ámeliyat penen baylanıstırıw ushın universitetimiz Ximiyalıq-texnologiya kafderası docenti M.Ayımbetov basshılıǵında «Qońırat soda zavodı»na jetip keldi. Dáslep bul jerde kárxana direktorı J.Mustafaev kútip alıdı. Bunnan soń student-jaslarǵa «Qońırat soda zavodı»nıń texnika qáwipsizligi hám miynetti qorǵaw bólimi qánigeleri túsindiriw jumısların alıp bardı. Sonıń menen birge kárxananıń laboratoriya baslıǵı Z.Kudiyarova kárxana laboratoriyaları menen keńnen tanıstırıp, bul jerde qanday jumıs alıp barılıwı, onda qanday tártip qaǵıydalarǵra ámel etiw kerekligi hám qoyılatuǵın talaplar aytıp ótildi. Sonday-aq, student-jaslar kárxananıń barlıq bólimleri menen tanısıp, islep shıǵarıw processleri, shiyki zatlar, olardı tayarlaw, tiykarǵı hám járdemshi qurılmalar hám tayar ónim alıwǵa shekemgi barlıq processler haqqında tolıq maǵlıwmatlarǵa iye boldı. Ámeliyattıń tiykarǵı maqseti oqıw barısında alǵan teoriyalıq bilimlerdi elede bekkemlew, sonıń menen birge keleshekgimiz bolǵan jaslardı kásipke baǵdarlaw, olardı qánigelikleri boyınsha jetik kadrlar bolıp jetilistiriw bolıp tabıladı. Ushırasıw sońında bul kárxana menen aldaǵı waqıtları birge islesiw haqqında kelisildi.

Ximiya-texnologiya fakulteti jetekshisi

N.Kuzdibaeva